289-1185 | — | __.09.1693 | — | Владыка и вседержавный творец небесных и земных и новоисраилитов монарха, Иисус Христос, Бог человеколюбивый, благоволением Бога... |
| | | |
— | __.09.1693 | — | Владыка и вседержавный творец небесных и земных и новоисраилитов монарха, Иисус Христос, Бог человеколюбивый, благоволением Бога Отца и содейством Бога всесвятаго Духа, вручив нашей мерности восточныя православнейшия веры церкве кафолическия полноту христиан во всем обладании Российскаго царствия, яко корабль мирную ладию, да стяжем особнейший о ней промысл и предзакониями поданными из начала тую возспасаем, и благоволи убо указ сей в страсе к нему любления нашей мерности сотворити, по Петру верховнейшему апостолов верху, паствовати (с. 304) нам повелев вернейшую паству сицевыми глаголы: аще любиши мя, паси овцы моя, их же драгою ценою животворивыя крове своея искупи от клятвы законныя. О ней же мерность наша, по завещанию его, паче всего предделательнейшее и притщательнейшее имать попечение, присно же прирадетельствуя всюду насмотрствует, да соблюдается его мощию добрейшая паства нам вверенная, всякия напасти же и озлобления вышши, и ниже коему либо вреду или нищете да подстает, яко сам всеблагий Бог чрез (богоглаголива) Иезекииля пророка вещаяй: овец моих из руке взыщу. Богоизбраннейший же сосуд апостол святый Павел присно нас увещавает: предание сохрани. Сими мы увещавшеся, содержимся страхом о вверенней нашей пастве, яко благодатию Божиею неисчислима есть, и яко да во всяком гобзовании растет слово Божие и множится число верных рабов его, всякими же добротворивыми евангельския проповеди делании да богатеет; такожде и церковная полность дабы украшалася лепотством архиерейскаго достоинства, и странам и градом, где приличество, возвождением на вящшыя степени архиереев устроевати смотр вчинися, с волею державнейшаго царя и соборным согласием. И яко мимошедшаго 7189 лета бысть воля и прошение благочестиваго великаго государя царя и великаго князя Феодора Алексиевича, всеа Великия и Малыя и Белыя России самодержца, о степенех архиерейских, иже суть во всей нашей пастве Российскаго царствия, чтобы царския титлы чином описательных царств и великих княжений и многонародных градов были степени из нижних подвышены; и тогда усудися епископии Вятской быти архиепископиею, яко грады Вятка и Великая Пермь многонародный суть, и благословением блаженныя памяти брата нашего святейшаго кир Иоакима Московскаго и всея России и всех северных стран патриарха, Вятской епископ Иона (с. 305) архиепископ Вятския и Великопермския восповествовася 7190 лета месяца в день, и отныне мы, святейший патриарх, тамо и впредь быти архиепископии судихом. Он же боголюбезнейший Иона, архиепископ Вятский и Великопермский, во всем совещание и покорение к нашей мерности, яко в Господе Бозе сын и сослужитель, должен есть имети, и ко всей Росссийской церкви, ко архиереем и ко всем людем, в православнейшей и благочестивой вере и в церковном чинном изъображении и песнопении согласие и единомыслие да имать; богопорученную же ему паству духовно и правилно во градех обителями и весех храмы святыми, подданными же ему людми данными оброки и доходы, и во всех вещех належащих той епархии да управляет, яко строитель тайн Божия благодати; и людей Христовых мудрости, целомудрию, правде и мужеству, яко ведущ божественная и священная писмена, да научает; бодренно же, яко истинный пастырь, оному народу от стражи утренния до дне смерти своея, в слово Господне уповая, да прирадетельствует, да стяжет же в храме Господни, в клире убо и причте священнослужения промышление, яко да учатся божественных писмен чтению мнози потщанием его; творя бо сия добрая и церковная делания, возвеличится в небесном царствии, по гласу его истиннейшу: иже сотворит и научит, сей велий наречется во царствии небесном. Аще же вознерадит о врученном божественном сем делании и блазнствовати имать люди Божия коим делательным пороком, его же ради не точию архиерейства извергнется, лишившися толикаго достоинства и вверенныя паствы, но и безконечным и нестерпным мучениям имать быти подлог. Образ убо благих дел во всем и прописание правды и истины всему врученному ему стаду да будет, имать бо Господь Бог от рук его словесных овец взыскати, аще его нерадением от врага похитятся. Подобает (с. 306) же боголюбию его, от Божия благодати призвавшуся и евангельское на выю приимшу иго, евангельски врученную от вседетеля Духа паству правити, свойственную за овцы предлагати душу, во тме греха ходящыя световожствовати, обидимым предбедствовати, опечаляемыя душевожствовати, скудным мощное приносити утешение. Постами же к Богу упражднятися и молитвами, частыя руки нощию и днем ко Господу простирати, на врученныя же председательством не возставати туне, яко да не смиренномудрия отпадет блаженства и кичимых пороку низподложится. Имети же ему чинное архиерейства служение, якоже прочии архиереи, по указанному архиерейскаго служения чиновнику. Сущие же тамо людие епархии Вятския, всякаго чина и возраста, ему боголюбезнейшему архиепископу Ионе всегда покоряются, и яко пастыря им даннаго и учителя да почитают и слушают, яко оному о них в день правдосудства Христа Господа Иисуса Бога нашего воздати имущу слово, Богопроведателю Павлу святому апостолу глаголющу: повинуйтеся наставником вашим и покаряйтеся, тии бо о душах ваших. И яко есть на сие служение Господом Богом зван и избран и на величайший степень архиерейства рукоположен и тамо послан боголюбезнейший архиепископ Иона, дадеся ему сия грамота на утверждение, печатию нашею печатствованна, яже и писменем десницы нашея предписася, от сотворения света 7202-го лета, от спасительнаго же воплощения предвечнаго Единороднаго Слова Божия Христа Иисуса Господа Бога 1693, индиктиона 2, месяца сентемвриа в день. |
| | | |
| | | |
| | | 1. ↑ Из рецензии С. А. Шумакова: "Акт № 180 взят из Московскаго архива Мин. Иностр. Дел." - Чтения в ИОИ и ДР при Московском Университете. 1909 г. Кн. 4. Раздел 1, стр. 57-62. |
| [-] | 303 — 306 | ТВУАК. 1907 г. Вып. 2-4. Отд. 2 | |