№ 161.
1561 г. сентября 23. – «Купчая» Игнатия Костицы Фоме Григорьеву на земли с угодьями в Великом погосте.
Се язъ Игнатеи Терентьев сын Костица отступился есми царя и великого князя земли, а своего владенья, в Заостровьи в Великом погосте племяннику своему Фоме Григорьеву сыну Григорьева орамые земли, и пожен, и с притеребы, и с рыбными ловищи, и со всеми угодьи, где что ни есть истарь потягло к тои деревни, половину поля церковнаго черные земли, да подле курью поле все, да кутнеи задние гоны от Фомины курьи, да на Ускои веретеи середка, да пожню на площатке от стожаров от Никетине пожни, что Иван отказал, до Чернокурьскои земли и с отсровками и с лесом, да на клинци лоскут княщинны, да на пожни поллоскута и з закраиною чернои, а все тое земли полторы веревки; и язъ Игнатеи отступился есми тое земли, что его же отца было владенье, Григорья. А взял есми язъ Игнатеи у племянника у своего у Фомы на тои земли сорок алтын денег московскую. А не изнемогл есми с тои земли царевы службы служити, и дани давати, и всякых потугов земских тянути. А во оцищеньи тои земли язъ Игнатеи Костица от купчих и от закладных, где будет на мое имя на Игнатьево. А дань и служба за прошлые лета с тое земли платит мне Игнатью Костици. А отступился есми по дельней грамоте тои земли; а та дельная у меня у Игнатья; и понадобитца дельная Фоме, и мне Игнатью та дельная класти безденежно; да и старую купчу есми Фоме выдал, что у отца его у Григорья купил брат мои Игнатеи. А на то послуси: Семен Евсевьев сын Прощелыкина да Иван Антипин сын Шюлемина. А купчюю грамоту писал святого Николы Заостровскои дьячишко Никитка Семенов сын лета 7000 седмьдесятого сентября в 23 день.
Источник: Сборник грамот Коллегии экономии. Грамоты Двинского уезда Т. 1. Петербург. 1922. Столбцы 156-157
(Ниже в тексте книги приведены ссылки на рукописные источники купчей и другие грамоты по Костицынам).
Мой комментарий.
Сборник грамот Коллегии экономии представляет генеалогическую ценность, поскольку известно, что северо-восток Руси вообще, и Двинская область в частности, были одними из главных "поставщиков" русского населения Вятки. Выделенная мною фамилия Шулемин затем встречается в вятской переписи 1646 года, фамилия Костицын тоже известна на Вятке. Так что есть смысл добавить двинские грамоты в базу знаний или библиотеку.
Спасибо, очень интересно! Наши предки Злобины жили, и, вероятно были тесно связаны с Костицынами с 1637 года на землях Чепецкого стана, в разных поселениях. Деревня Костиченки (ныне не существующая в Фаленском районе) по Костицыным и названа.
361. 1597 г. декабря 8 — «Данная» Никифора и Никиты Шулѣминых Николаевскому Корельскому монастырю на землю, двор и угодья в Карзине курье с инвентарем.
Се язъ Нового Архангилъского города стрелец Никифор да язъ Никита Ивановых дети Шулѣмины дали есмя в дом Пречистои Богородици честнаго и славнаго ея Успения и великаго чюдотворца Николы Корельского монастыря и игумену Варламу еже о Христе з братьею вкладом царя и великого князя вотчину, а отца своего станки, а свое владенье, по купчим грамотам, на Лисострове в Карзины курьи двор и дворище и со всеми хоромы, со всем без вывета, и орамыя поля, и пожни, и со всеми угодьи, где что ни есть, со всем без вывета, по купчим грамотам отца своего и по своим по купчим грамотам, где что ни есть, орамыя поля, и пожни, и с притеребы, и с поскотиною, и с рыбными ловищи, и со всеми угодьи, со всем без вывета, где что ни есть, отца своего станки, а свое владенье, куде ходило плуго, и соха, и коса, и топор, и серп, и з жердием и с кольем, и в овине половина. А отдали есмя и по писцовым книгам писца князя Василья Андреевича Звенигородцкого с товарыщи да и по дельним грамотам отца [сво]его и по своим. А дали есмя в дом и во веки, да и дела нам братеником до тои земли нет, ни детем нашим: дали есмя в дом Пречистои Богородици и Николе чюдотворцу и игумену Варламу ежъ о Христе з братьею в дом и во веки. А за тот нас вклад братеников, Никифора да Никиту, игумену Варламу ежъ о Христе з братьею постритчи; а пошлет Бог по души наши смерть, ино игумену Варламу за тот наш вклад поминати нас. А та у нас земля, орамыя поля, и пожни, и со всеми угодьи, инде не продана, ни заложена никому ни в чем. А у кого вылягут на ту нашу землю на отца нашего станки и на наше владенье купчия или закладныя кабалы или какия письмянныя крепости ни буди, и нам братеником выкупати своими деньги, а игумену Варламу ежъ о Христе з братьею убытка в том не учинити и та своя земля очищати своими деньги. А государевы подати платить с тои земли и всякия зем[с]кия розметы нам братеником до Ильина дни святого пророка сто шестаго году, а после Ильина дни платити государевы подати и всякия земския розметы игумену Варламу ежъ о Христе з братьею Корельского монастыря. Да мы ж братеники дали в дом Пречисто[и] Богородици и Николе чюдотворцу Корельского монастыря и игумену Варламу Корельского монастыря ежъ о Христе з братьею лемех, да чертец, да плуго, да сани дровни, а за то им поми[на]ти отца нашего Ивана, да Олександру схимницу, да Исака. Да и старыя есмя купчия грамоты отца своего и свои и дельния грамоты на ту свою землю и на угодья игумену Варламу ежъ о Христе з братьею Корельского монастыря выдали вси; да и даную есмя игумену Варламу ежъ о Христе з братьею Корельского монастыря дали на ту свою землю и на все угодья. А на то послуси: Евсеи Пиминов сын, Колмогорец Иванского приходу, да Степан Трифанов сын, кожевниц, Низовец Вознесенского приходу. Даную писал Вознесенскои церковнои диячек Коземка Андреев лета 7000 сто шестаго декабря в 8 день.
На обороте: Став первои крепок. Став второи и последнеи.
4291/209. — Двина № (203) 195; № 194; № 82; (222). — 3 сстава.
См. Лисий о.
1) В рукописи: Варлаламу. 2) В рукописи повторено: платить.
Источник: Сборник грамот Коллегии экономии. Грамоты Двинского уезда Т. 1. Петербург. 1922. Столбцы 352-354.
РГАДА, Ф. 281. Грамоты Коллегии-экономии (коллекция)
№ 14385/1
ХОЛМОГОРЫ
1684/85 г
171) 1627 г. июня 17. - Деловая волостных крестьян Василия Трофимова сына Лодыгина, Никиты Иванова сына Шулемина, Никона и Сергея Григорьевых детей Сидорова на д. (без названия) "на Ладине берегу" в Лисоостровской вол. (Двинского у.) (Л. 188 об.-192);
https://forum.vgd.ru/go/go.php?url=http://rgada.info/poisk/db.php?T1=%D0...(%D0%BA%D0%BE%D0%BB%D0%BB%D0%B5%D0%BA%D1%86%D0%B8%D1%8F).&Sk=30&page=16