| 291-0134 | — | 09.04.1636 | — | От царя и великого князя Михаила Федоровича всеа Русии, на Вятку, воеводе нашему Григорью Ивановичу Волынскому. Бил челом нам с... |
| | | |
| — | 09.04.1636 | — | От царя и великого князя Михаила Федоровича всеа Русии, на Вятку, воеводе нашему Григорью Ивановичу Волынскому. Бил челом нам с Вятки Успенского манастыря (с. 52) архимарит Герасим з братьею, а сказал: дела де их манастырские делают и сидят по всем городам, а на Москве во всех приказех и в городех, воеводы, наши и всякие приказные люди, нашу де жаловалную тарханную грамоту у нево архимарита Герасима рудят, и мимо сроков их на поруки дают и судят, и в том их волочат, и манастырской казне тем чинят убытки великие. Да положил в приказе Болшого Дворца, перед боярином нашим перед князем Алексеем Михаиловичем Лвовым, да перед диаки нашими, перед Григорьем Нечаевым да перед Максимом Чирковым, с Вятки Успенского манастыря архимарит Герасим нашу жаловалную грамоту, за нашею красною печатью, 135 году, за приписью диака нашего Семена Бредихина, а в нашей в жаловалной грамоте написано: с Вятки Успенского манастыря архимарита з братьею и их манастырских слуг и крестьян бояре наши и воеводы и всякие приказные люди везде по городам не судят, опричь душегубства и разбоя и татбы с поличным, и кормов своих и конских не емлют, и не ссылают к ним ни по что, а ведает и судит своих манастырским людей и крестьян архимарит з братьею; а кому будет чего искати на архимарите з братьею и на их манастырских людех и на крестьянех, в приказе Болшого Дворца суд на них в году на три сроки, на Рожество Христово, да на Троицын день, да на Семен день, а опричь тех указных сроков на иные сроки их не судят, и на поруки не дают, и приставов по них не посылают. И нам бы ево архимарита Герасима з братьею пожаловати, велети б ему дати нашу послушную грамоту и не велети б у них нашие тарханные грамоты рудити, а о всем ходити, как у них в нашей жаловалной тарханной грамоте написано. И как к тебе ся наша грамота придет, и ты б Успенского манастыря архимарита Герасима з братьею, и хто по них в (с. 53) том манастыре иные архимарит и братья будут, и служек и служебников и вотчиных крестьян, на Вятке высковых управных делах не судил; а кому будет какова дела искати Успенского манастыря на архимарите Герасиме з братьею и на их служках и на служебниках и на вотчинных крестьянех, и им искати и о всяких управных делах бити челом и приставливати и по них наши грамоты имати из приказу Болшого Дворца; а в городех воеводы наши и всякие приказные люди, по нашим дворцовым грамотам, Успенского манастыря архимариту Герасиму з братьею и служкам и служебником и вотчинным крестьяном чинили им их манастырские сроки, которые сроки учинены им в нашей государской жаловалной грамоте, на Рожество Христово, да на Троицын день, да на Семен день сентября в 1 день; а опричь тех сроков на иные сроки их к суду не высылал, так же и по иным грамотам, которые учнут приходить изыных приказов мимо приказу Болшого Дворца, и по тем грамотам на поруки их не давал, и к ответу к Москве не высылал, и иных сроков на них не наметывал, и ездить им не велел, и на Вятке их не судил ни в чем, и приставов по них без наших дворцовых грамот не посылал, и на поруки их ни в каких исковых искех без наших дворцовых грамот не давал, и убытку им не чинил; а кому будет на Вятке учинитца Успенского манастыря манастырским людем и крестьяном какая гибель или тадба или грабеж или убойство, и учнут бити челом тебе о приставе, и ты б приставов наполно не давал, и велел тех людей давать на поруки, и присылать их к ответу и поручные по них записи к нам, к Москве, и суд на них во всяких делах в приказе Болшого Дворца на указные сроки, и о всем чинил так, как у них в нашей жаловалной в тарханной грамоте 135 (с. 54) году написано и ни в чем ее не рудил. А прочет сю нашу грамоту и списав с нее список, слово в слово, оставил у себя, а сю нашу подлинну грамоту отдал бы еси Успенского манастыря архимариту Герасиму з братьею, впредь для иных наших воевод и всяких приказных людей. Писана на Москве лета 7144 апреля в 9 день. |
| | | Диак Григорей Нечаев. |
| | | |
| [-] | 51 — 54 | ТВУАК. 1906 г. Вып. 1-6. Отд. 2 |  |
