| 298-0154 | — | 08.10.1699 | — | «Во имя пресвятыя единосущныя животворящия и нераздельныя Троицы, Отца и Сына и Святаго Духа, аз многогрешный и смиренный раб... |
| | | |
| | | «Божиею милостию, смиренный Иона, архдиепископ» |
| — | 08.10.1699 | — | «Во имя пресвятыя единосущныя животворящия и нераздельныя Троицы, Отца и Сына и Святаго Духа, аз многогрешный и смиренный раб Божий Иона архиеписком Вятский и Великопермский, прежде смерти плоти моея разсуждая тленность и непостояние жизни естества нашего, к тому и без известия времене кончины моея, умыслих же сие заветное начертати писание, да аще негли праведными Божиими судбами, или внезапу смертный час найдет на мя, или сила отъимется глаголания, или память приидет в оскудение, не кроме прощения или последняго целования, отниду в дом вечности моея; сим бо всяк и тем подобным случаем все естество наше за преслушание подвержеся, вси же умираем и, яко вода, приходящая на землю, не соберется в (153 л.) стихия вращальныя, несть же человек, иже поживет и не узрит смерти, вси бо, яко реки в море, в гробную течем яму, и в перст, от нея же взяхомся, по оного праведнаго Судии неизменному изглаголанию: земля еси, и паки в землю пойдеши, земля убо, яже в нас, земли предается, но дух к Богу, от него же создася, и плоти сопряжеся, возвращается на место, себе по делом уготованное, дондеже паки в ту же плоть, последней трубе гласящей, возвратится, или венец славы совершенный купно с плотию прияти, или вечную казнь в неугасимом тартаре за злобное в мире житие страдати. Ея же, казни лютость нестерпимая, долгота нескончаваемая, выну имать всех верных сердца от злоб отстрашати, венец же небесный к добродетелем надеждою возбуждати, за воздаяние венца небеснаго угодницы Божии мир и, яже в нем, презреша, и самех себе пренебрегоша, страха же геенския муки выну смерть поминаху; да незабвения ея второю смертию умерщвлени быхом. Велие светило вселенныя, святый Василий Великий, сице за святость и премудрость нареченный, никогда же смертнаго часа забываше, воеже бы не согрешати к Богу, но аще и светло иногда прилучашеся ему, вин ради богословных, веселитися, и тогда прихождаше к нему отрок, на то учиненный и глаголаше сице: поминай, отче, смерть и раку повели совершити; подобне и святтый Иоанн милостивый творяше; ибо от начала (154 л.) епископства своего, повеле гроб себе готовити и в совершение не приводити, всегда же воспоминати себе о повелении совершения, и тако присным воспоминанием того гроба выну память смерти во уме своем обновляше, и видя ея неизвестие, тако выну живяше и яко же быти ему всегда готову разрешитися от союза плоти своея; тако творяху и инии святии Божии. Но аз, многогрешный, не уподобихся им во всем житии моем, во глубокой забвения яме закопану имех память смерти, изжих вся дни живота моего в небрежении, лености, маммоне паче работах, неже Господеви, спах в унынии присном, а не бдех на стражи моем, тем же сном глубоким, яко едва дадемися уже в кончине века моего, сонцу моему пришедшу на запад, свои очеса ума моего от сна того оттряснути и узрети, яко уже течение мое в совершении, и стах близ дверей вечности; в море житейстем плавах доныне, се приближаюся ко пристанищу иного века; торжище доспевает к разрешению; аз же не купих елеа во светильник мой, во сретение Жениха небеснаго, ктому узрех и ужаснухся зело, наипаче, яко время ко исправлению сокращается и отвсюду бедне стискает; частныя болезни зелне постизають мя, смерть косою люте прещает, Судия нелицемерный изречения готовит, яма гробная на плоть, ад же ненасыщенный на грешную мою душу, еже поглотити ю, свирепо грозятся; во всех же сих Божиею подкрепляем десницею, не (155 л.) падох в ров отчаяния, но надеждою по милосердию Его утвердихся, стах бо во уповании непозыблеме, чаях от Бога, спасающаго мя, не по моим согрешением осуждение, но по Его безконечному и непобедимому милосердию отрады спасение, при сйцевой же надежде веру православную, кафолическую, Божиею благодатию, соблюдох доныне неврежденну, и якож в рождении моем духовном, им же отцу небесному усыновихся, чрез восприемника моего исповедах ю, потом же, яко во время поставления моего в архиерейство, предах писанием моим изъяиленну: тако и до кончины жития моего желая соблюсти целу, совершену, кроме всякого приложения, отъятия и изменения, яко же божествении апостоли и святии отцы на вселенских и поместных соборех святых утвердиша и заключиша; и тако веруя и исповедуя, держу к тому вся предания, от святыя соборныя апостольския Церкве хранимая, и вся узаконения любезно целую, а их же отцы святии и богоноснии благословиша, благословляю, и их же паки они прокляша, и аз проклинаю. О вере убо и о надежде дерзновенно похвалился, взирая на святаго апостола Павла, о себе преглаголавша: течение скончах, веру соблюдох, прочее соблюдаетмися венец правды; но о делех моих с ним глаголати, еже подвигом добрым подвизахся, не дерзаю, зане все житие мое изжих в суетах и элобах, выну гневая Творца моего беззаконии безчисленными и преступая божественныя Его (156 л.) заповеди. О нем же от всея души моея наюся, и молю непобедимю благость, да мя грешнаго раба своего простит в сем веце и в будущем и помилует окаянную мою душу, не точию же преж Божиим соугублях престолом, но и от вас ближних моих, многи зело оскорблях, озлоблях и соблазнях окаянным житием моим. О них же злых ныне от глубины сердца моего умиляюся, и судих себе тацех ради зол моих и ныне убо от тяжких моих попечений, яко свободи семь, отхожу в путь вечности моея, ко Господу Богу моему, о содеянных мною лютых пред всеми вами покаяние приношу и желая, по обещанию моему, от вас вскоре отъити, идеже благоволит Бог кончину прияти жизни сея, вообще всех вас православных христиан, со усердными слезами смиренно молю о оставлении и прощении в бывших моих, еже к вам, озлоблений, аще же вы отпустите согрешения моя, отпустит и вам Отец ваш небесный согрешения ваши. Оставите ми долги моя да по правду, а не в осуждение себе глаголете пред Господом, еже: остави нам долги наша, яко же и мы оставляем должником нашим. Уповая же на любовь вашу христианскую и добре ведая яко и сами от моего смирения требуете, по обычаю правоверных, прощения и благословения, се аз с радостию и любовию благочестию вашему сие подаю и оставляю, по отшествии моем, мир и благословение. Таже аз, всесмиренно главу мою (157 л.) преклоняя и стоп ножных касаяся, прошу прощения и благословения у великого господина, отца нашего святейшаго, кир Адриана, архиепископа Московскаго и всея Росии и всех северных стран патриарха; такожде усердно молю, в Дусе святом братию нашу: преосвященныя митрополиты, архиепископы и епископы, яко да благоволят ми грешному даровити свое прощение, мир и благословение, и во святых своих молитвах сохранят незабвенна, во еже бы мне грешному их пособием жизнь окончати в покаянии, и по разлучении от тела, воздушных мытарей удержания свободну быти, и тихаго небеснаго безбедно пристанища достигнути. Аз же их преосвященству оставляю прощение и любезное воздаю целование; преподобным архимандритом, всечестным игуменом, священноиноком и священнопротопопом, честным иереем и иеродиаконом и протодиаконом и диаконом и иноком и инокиням, и всему причету церковному оставляю мир и благословение и прощение, а сам от их святыни прошу прощения и молитв святых требую, в пособие спасения души моея грешныя. Такожде моего смирения епархии врученныя бывшия ми, богоспасаемых градов Вятки и Великой Перми со всеми их селы и пределы, оставляю мир и благословение и прощение, а сам от их честности прошу прощения и молитв святых требую в пособие спасения души моея грешныя. По сих же всем православным христианом всякого (158 л.)сана и чина обоего пола и всякого возраста людем, во единстве Церкве матере сущим, и велению Ея повинующимся, оставляю мир и благословение и прощение, а сам от всех купно прошу прощения и молитв святых требую. Аще же коего священника или диакона во епархии нашей, по правилом святых апостол и богоносных отец, от служения отлучив, а мирских от причастия животворящих таин тела и крове Господа нашего Иисуса Христа, от входа церкве удалих, они же коих любо ради вин, не успевше от нашего смирения прощение получити, от века сего в страну вечности переселишася; и аз вя тыя имам прощенны и разрешенны, и молю о них всещедраго Бога, да милостив им будет, и вчинит их со духи праведных, от веков Ему угодивших; напоследок же, уже удаляяся от видения сожительства вашего, отходя от Церкве, ратующия и подвизающияся, к тишине смирения и покаяния моего, торжествующия храмы соборныя богоспасаемых градов—Вятки и Великой Перми и вся служители, работающия в них Господеви: протопопы, священники и протодиаконы и диаконы и дому моего причет церковный, и всяких чинов домовых людей вручаю впредь всемогущему Богу в покров Его и защищение; а по Нем святыя православныя кафолическия веры крепкому хранителю, благочестивейшему великому государю царю и великому князю Петру Алексеевичу всеа Великия и Малыя (159 л.) и Белыя Росии самодержцу; и молю его царское благоутробие, да, яко доселе храмы сия святыя и мое смирение благоволил снабдевати во вся времена служительства моего, тако и по отшествии моем, не престанет милостивно хранити и от всяких наветов защищати, со всеми люботрудившимися в них, наипаче же донележе всех благ Промысленник и высочайший Правитель святыя Церкве Своея Христос Господь, благословит согласным всего освященного собора избранием, а его царского пресветлаго величества повелением и утверждением, достойным толикия высоты лицом престол сей честный украсити и возвеселити и словесное стадо свое бодрым пастырем обрадовати, его же аз от всея души моея чадом моим в Дусе Святем любезнейшим желая доселе, а по сем бывшия ми врученныя епархии архимандритом, игуменом, иеромонахом, протопопом и попом и протодиаконом, иеродиаконом и диаконом, и дому моего всякого чину людем, и всем иноком и инокиням, и церковного причту, причетником, и всякого чина и возраста миряном, от велика и до мала, мужеска полу и женска, оставляю, да будет с ними благодать Господа Бога и Спаса нашего Иисуса Христа и нашего смирения благословение ныне и во веки, аминь. Писано сие писание лета 7208 (1700) индикта 8 месяца Октоврия в 8 день. |
| | | «Вятский и Великопермский» |
| | | |
| | | |
| | | |
| [-] | 152 — 159 | Никитников Г., 1863 |  |
