| 515-0002 | — | 1489/1490 | — | Оть Геронтія Митрополита всея Руси, на Вятку, игуменомъ, и попомъ, и діакономъ, и черньцемъ, и всему нарпцающемуся тамошьнему... |
| | | |
| — | 1489/1490 | — | Оть Геронтія Митрополита всея Руси, на Вятку, игуменомъ, и попомъ, и діакономъ, и черньцемъ, и всему нарпцающемуся тамошьнему священству. Не вѣмы убо, како нарицати васъ священники, и отъ кого имѣете постав-леніе и рукоположеніе, и духовное наказаніе, и поученіе божественыхъ и священныхъ правилъ святыхъ Апостолъ и святыхъ богоносныхъ Отець и всего божественаго Писанія православныа христіанскія истинныя вѣры? Еуангелскихъ и апостольскихъ и отеческихъ поученій сами не требуете, и живуще въ небреженіи, сами идете въ погибель и въ будущую ону безконечную муку; а зовущеся священники и учителіе христіянстіи, а прежъ о своихъ душахъ нерадяще, ни священства своего незнающе, не поминаете ни того реченнаго глагола, какову подобаетъ священнику быти, якоже речеся: «идѣже желаютъ Апгели приникнути у страшнаго престола Христова предстояще.» И како мы непотребныи о томъ не трепещемъ и вмѣняемъ собѣ то запросто? А имамы о томъ осуженіе пріяти вѣчное, да еще и души христіанскія препущаемъ въ вѣчную муку, не наказующе ихъ, ни отъ злаго житія не уимающе, якоже слышимъ, что там о ваши духовныи дѣти незаконно женятся, въ роду и въ сватовствѣ и въ кумовствѣ поимаются, а иныи деи пятымъ и шестымъ и до седмаго брака совокупляются (а вы ихъ благословляете, и приношеніе отъ нихъ пріемлете, что есть Богу мерзско), и православное христіянство губятъ убійствомъ и грабленіемъ и всѣми злыми дѣлы неисчетно, и святыя Божія церкви разоряютъ и грабятъ, а зовущесь хрпстіяне, а творяще тая злая дѣла горше поганыхъ. И отъ сего времени, вы зовущесь священници, игумены, и попы, и діякони, и черноризцы! аще не познаете своего Святителя и настоятеля и не покаетеся отъ своихъ злыхъ прежъ сдѣанныхъ горкихъ дѣлъ, а и дѣтей своихъ не имете наказати и отъ лукавыхъ дѣлъ не имете ихъ уимати: и наше смѣреніе, по Божію повелѣнію и по божественыхъ священныхъ правилъ запрещенію, не имѣетъ васъ священники, но и тягость духовную церковную на васъ и неблагословеніе свое накладаемъ, доколѣ придете въ чювство и во истинное къ Богу покаяніе и къ нашему смѣренію. А тѣ ваши духовніи дѣти, зовущеся христіяне, а поганая дѣла дѣлающе, такожъ аще ся не покаютъ, а отъ тѣхъ своихъ злыхъ прежнихъ дѣлъ не престанутъ, ни Государю своему Великому Князю челомъ не добьютъ, а грабежовъ церковныхъ и христіянскихъ всѣхъ не отдадутъ, а полону христіянскихъ душь безхитростно всѣхъ не отпустятъ: и наше смѣреніе, и со всѣмъ нашимъ священствомъ, имѣемъ ихъ неблагословеныхъ и отъ Божьи церкви и отъ православнаго христіянства отлученыхъ, временно и будуще, доидеже къ Богу чисто покаются и исправятся во всемъ безъ лукавства. |
| | | |
| [-] | 141 — 142 | Акты исторические, Т. 1, 1841 |  |
