| 515-0005 | — | 1489/1490 | — | Отъ Геронтія Митрополита всея Руси, въ отчину господина и сына моего Великого Князя Ивана Васильевича всея Руси, на Вятку,... |
| | | |
| — | 1489/1490 | — | Отъ Геронтія Митрополита всея Руси, въ отчину господина и сына моего Великого Князя Ивана Васильевича всея Руси, на Вятку, воеводамъ, и ватаманомъ всѣмъ, и всему Вятскому людству Вятскимъ хрестьяномъ. Не вѣмы убо, како васъ нарещь? Зоветеся именемъ хрестьяне, а живете дѣлающе злая дѣла, горше нечестивыхъ, не по хрестьяньству, ни по божественому Писанію православныя истинныя христіяньскіе вѣры: святую сборную апостоль-скую церковь Русскія митропольи обидите, и законы церковныя старыя разоряете, а за все своему Осподарю Великому Князю грубите и приставаете къ его недругомъ издавна; а съ поганствомъ соединяющеся со отлучеными отъ Божьи церкви, съ тѣми съ христіяньскими губители, а и сами собою отчину его воюете безпрестанно, христіанство губите убійствомъ и полономъ и грабленіемъ, и церкви разоряете, и грабите вся церковная священная пригодья, и кузнь, и книги, и свѣчи, и вся творите злая и богомерзская дѣла, якоже и погани, да и отъ того отъ своего злаго дѣла не престаете, а своему Государю Великому Князю грубите, а челомъ ему за свою грубость не бьете. Ино, како Богъ своимъ милосердіемъ положилъ на сердце Государю Великому Князю, васъ еще жаловалъ, а и нашего смиренья еще послушалъ, какъ есми его богомолецъ о васъ молилъ его, со многими слезами и съ благословеніемъ, по своему святительскому долгу: и Осподарь Князь Великій до сихъ мѣстъ вамъ терпѣлъ, васъ не казнилъ, ожидая отъ васъ челобитья и покаянія и отъ вашего злаго дѣла престатья. Ино отъ васъ таки нѣтъ управленія. И язъ его богомолець уже то нынѣ конечнѣ послалъ семи сего своего 1 Имени посланца въ рукоп. нѣтъ., съ сею своею краткою грамотою и съ своими рѣчми, васъ жалуя, чтобы есте отъ своего злаго дѣла престали, а своими бы есте душами не погибли нынѣ временно, а въ будущемъ ономъ вѣцѣ не были бы есте въ безконечной оной муцѣ; церковь бы есте Божью сборную Русскія митрополіи держали по старинѣ честно, а и къ нашему смѣренію были бы есте послушны во всемъ, по апостольскому словеси, якоже речеся: «братія, повинуйтеся наставникомъ вашимъ и покаряйтеся: тіи бо бдятъ о душахъ вашихъ, яко слово въздати хотяще, яко да съ радостію се творятъ, а не въздыхающе.» А Осподарю бы есте своему, а нашему господину и сыну Великому Князю, за свою злосътвореную къ нему грубость, челомъ били; а грабежи бы есте всѣ христіянскіе и церков-ные отдавали, и полонъ бы есте весь отпущали безхитростно; а по си бы есте часы отъ своего злаго дѣла престали. И послушаете насъ, ино еще на васъ будетъ милость Божія, а нашего смѣренія благословеніе, а Осподаря Великого Князя жалованіе, по вашему къ нему исправленію; а не послушаете насъ, а своему Государю Великому Князю челомъ не добьете, а къ нему не исправитеся во всемъ безхитростно, ино не будетъ на васъ милости Божіея и Пречистыя его Богоматери и всѣхъ Святыхъ, и нашего благословенія, и нынѣ и во вся безконечныя вѣкы; а та кровь христіянская (с. 143) вамъ отольется, то вамъ все отъ себя придетъ. А и рѣчми своими, съ симъ своимъ (имярекъ), тожъ есмь къ вамъ приказалъ. И толко не послушаете насъ нынѣ, и мы и къ вашимъ игуменомъ, и къ попомъ, и ко всему священству, къ вашимъ духовнымъ отцемъ тожъ есмя писали и рѣчми приказали, чтобы васъ и они не благословляли и имѣли бы проклятыхъ, по вашимъ злымъ и окааннымъ дѣломъ, и церкви бы Божьи затворили и отъ васъ бы пошли изъ земли вси вонъ; а не затворятъ ли церквей Божьихъ, а отъ васъ изъ земли прочь не пойдутъ, а имутъ у васъ жити, а васъ благословляти и священствовати имутъ, и наше смѣреніе, по Божію повелѣнію и по божественымь и священнымъ правиломъ святыхъ Апостолъ и святыхъ богоносныхъ Отець, и со всѣмъ нашимъ священствомъ, имѣ-емъ ихъ и самихъ, и съ вами ровно, неблагословеныхъ и проклятыхъ, въ сій вѣкъ и въ будущій. . . . . |
| | |
1. ↑ Имени посланца въ рукоп. нѣтъ. |
| | | |
| [-] | 142 — 143 | Акты исторические, Т. 1, 1841 |  |
